الخميس، 20 أكتوبر، 2011

قال الولد راح احافظ على دي البلد - بقلمي هشام الجندي

قال الولد راح احافظ على دي البلد
واجري وادافع حتى لو هاتجلد
هاقف ويا أصحابي ونجيب المدد
رد ابوه قاله يا بني يا ضنايا 
حب البلد مزروع جواك وجوايا
بس يا ريت تعرف تحب وتفهموا معنى كلمة بلد
بلدنا حلوة بتراثها وبناسها
أجمل ما فيها عاشت ما قدر عدو يدوسها
داقت احتلال وسرقة أموال وبقيت بأرضها وناسها
فلاحينها بيقلعوها أرضها بفاس ومحراث
وبقلوب كلها إحساس يرووها بدمهم وعرقهم
تيجوا انتوا لجل ما تحرروا وتغيروا بايديكم تدمروا
وحياة من ذكرها في قراءنه وخصها بأديانه
تحافظ انت واخواتك وترجع لها اسمها
كفاية اعتصام ومظاهرات ازرع واقلع يا فلاح
وافتكر كلام قالوهولنا لما بدينا العلام
من زرع حصد ومن جد وجد
ده يا بني مش مجرد كلام
أنا قلت كلمتي ليك ولأخواتك سيبوا البلد تقوم ما تنام
وكفاية حقد وحرق ودمار وخصام
داخلين على الشهور الحرام
مش هأقولكوا غير كفاية حرام
وفي النهاية هأقول سلام يا رب حقق لنا السلام والوئام

هناك 22 تعليقًا:

ياره عبدالله يقول...

كلنا بنحب البلد دى وبنعشق ترابها
وكلنا خايفين عليها بس كل واحد ليه طريقته واسلوبه الى بيعبر بيه
بدعى ربنا ان يحسن حال البلد ويتفضل مرفوعه دايما ونعدى على خير ان شاء الله

دمت بكل الود والحب ..
مع تحياتى الغاليه ..

HSendbad يقول...

إلى ياره عبد الله
صدقتي يا أختى العزيزة حين قلتي " كلنا بنحب البلد دى وبنعشق ترابها
وكلنا خايفين عليها بس كل واحد ليه طريقته واسلوبه الى بيعبر بيه "
وأنا حبيت أوضح ده من خلال رأي الأب وابنه في كيفية الحفاظ على بلدنا
تحياتي لك يا أختاه
ودمتي في حفظ الرحمن

أم هريرة.. lolocat يقول...

السلام عليكم
يارب المستقبل يكون افضل
ويارب الامور تهدى
ويارب يفضح اعداء البلد
ويارب حق الغلابة يعود ودم الشهداء ناخد حقه

وجهة نظرك ياهشام جميلة
المشكلة ان الموضوع اصبح سخيف وفيه ناس كتير ظهرت بتلعب لنفسها وعايزة فساد جديد
اسأل الله ان يهلك الظالمين بالظالمين ويسلم مصر الحبيبة من كل شر وسوء


سلمت اخى وبارك فيك
تحياتى لك وكل عام وانت بخير بمناسبة قرب الايام الطيبة المباركة

جايدا العزيزي يقول...

طبعا عجبتنى جدا

وخصوصا الوطنيه والوفاء والانتماء اللى ساكن حروفك هش

يسلم احساسك ونبض قلمك

دمت متميز اخى

تحياتى

شهر زاد يقول...

فعلا يا هشام
الحب فعل وليس كلام والوقت قد حان فعلا لايقاف الاختلافات التي ستأدي مستقبل البلد
اللهم اجعلها ارض الأمن والسلام
يارب تكون بالف خير
تحياتي

HSendbad يقول...

إلى أم هريرة
أتمنى حقاً أن يسود الأمن والأمان بلدنا كعدها وكما قلتي أن يفضح أعداء بلدنا تحياتي لك أختى الغالية مع تمنياتي لمصرنا بمستقبل افضل وكل سنة وانتي بمليون سلامة
وأتمنى تكرار مشاركتك وتشريفك لي بالزيارة
ودمتي في حفظ الرحمن

HSendbad يقول...

إلى جايدا العزيزي
المصريون دوماً يملؤهم الوطنية وإن لم تظهر في معاملتهم العادية ولكنها تظهر في الشدائد ووقت الأزمات
أسعد وأتشرف دوماً بوجودك إلى جواري يا أختاه
تحياتي لك
ودمتي في حفظ الرحمن

HSendbad يقول...

إلى شهر زاد
صدقتي يا أختي الغالية في كلماتك " الحب فعل وليس كلام والوقت قد حان فعلا لايقاف الاختلافات التي ستأدي مستقبل البلد
اللهم اجعلها ارض الأمن والسلام "
الحمد لله على كل حال واسعد بسؤالك عن أحوالي يا أختي العزيزة
تحياتي لك وتمنياتي لك بالسعادة
ودمتي في حفظ الرحمن

mshmsha يقول...

وفي النهاية هأقول سلام يا رب حقق لنا السلام والوئام




يااااااااااااااااااااااااارب يحققهم ويحميها ياااااااااااارب
يااااااااااارب

تسلم يا هشام كلماااات رائعه

HSendbad يقول...

إلى mshmsha
أختى الغالية يا رب حقق لينا كل أمانينا وأسعد بنا اهالينا وأغفر لنا خطيئتنا واستجب لنا دعاوينا
تشرفت بزيارتك أختي الكريمة
تحياتي لك
ودمتي في حفظ الرحمن

ريــــمــــاس يقول...

صباحك غاردينيا هشام
ويارب يحفظ بلادنا ويحفظ مصر
وكل دولنا العربية
كلام حقيقي من القلب"
؛؛
؛
لروحك عبق الغاردينيا
كانت هنا
reemaas

HSendbad يقول...

إلى ريــــمــــاس يقول...
نورتي يا اختى الغالية اللهم أحفظ بلادنا العربية
تحياتي لك يا اختاه
ودمتي في حفظ الرحمن

Carmen يقول...

روعة استاذ هشام وعنوان ملفت ومعبر سلمت اناملك
تحياتي

HSendbad يقول...

إلى Carmen
أحمد الله أنه رزقنى بأصدقاء مثلكم
أشعر وأنا معهم بالأمان
سعدت بوجودك
تحياتي لك
ودمتي في حفظ الرحمن

Ms Venus يقول...

سلام

يارب حقق لنا السلام


فعلا محتاجين السلام جدا


كلمات جميلة اوى يا هشام

HSendbad يقول...

إلى فينوس
أختي الغالية التي أفتقدتها منذ مدة واحمد الله لعودتك لزيارتي من جديد
صدقتي نحن بحاجة ماسة للسلام واستقرار الحال والحب بين الناس لوجه الله تعالى بدون غرض أو غاية

تحياتي لك أختي الغالية
واتمنى وجودك الدائم بيننا
ودمتي في حفظ الرحمن

AmerA يقول...

مصر موجــــــــوعة أوى ...
يااااارب تشفيها وتقومها لكل مصرى بالسلااامة لأن كفاااية شرف لها انها ذكرت ف القرآن ..
يارب نفوق بقى بس .. لا حيااااة لمن تنادى كل واحد شغال على رأي اول كومنت .. بطريقته .. وللأسف فى طرق كتير غلط اوى ربنا يستر..
تسلم ياهشام على طرحك اللى دايما بيمتعنا ..

re7ab.sale7 يقول...

مساء الورد هشام
معلش كتير مقصرة معاك
بس بجد غصب عني
مشغولة كتير
والشغل مش مخليني اعرف اعمل حاجة
حلوة القصيدة كتير
وبجد حسيتها اجمل حاجة قرأتها من فترة كبيرة
بجد مش مجاملة ولا عارفة اختار اي جزء منها
بجد كتير حلوة ومؤثرة جداااا
ان شاء الله تعدي كل مشكلات البلد علي خير وتكون مصر جنة دايمة لينا وبينا
تحياتي

HSendbad يقول...

إلى AmerA
لا أجد تعليقلاً أفضل من كلماتك
مصر موجــــــــوعة أوى ...
يااااارب تشفيها وتقومها لكل مصرى بالسلااامة لأن كفاااية شرف لها انها ذكرت ف القرآن ..
يارب نفوق بقى بس .. لا حيااااة لمن تنادى كل واحد شغال على رأي اول كومنت .. بطريقته .. وللأسف فى طرق كتير غلط اوى ربنا يستر..
تسلم ياهشام على طرحك اللى دايما بيمتعنا ..
تحياتي لك أختي الغالية
ودمتي في حفظ الرحمن

HSendbad يقول...

إلى re7ab.sale7
أشكرك أختي الغالية على الزيارة
وأتمنى أن تعودي سريعاً وبالتوفيق في عملك الجديد واشكرك على كلماتك
" حلوة القصيدة كتير وبجد حسيتها اجمل حاجة قرأتها من فترة كبيرة
بجد مش مجاملة ولا عارفة اختار اي جزء منها
بجد كتير حلوة ومؤثرة جداااا
ان شاء الله تعدي كل مشكلات البلد علي خير وتكون مصر جنة دايمة لينا وبينا
تحياتي لك اختي الغالية
ودمتي في حفظ الرحمن

شهرزاد المصرية يقول...

جميلة جدا يا عزيزى
و يا رب الكل يسمعوا كلام اوالد الحكيم
و الكل يرجع لشغله عشان نقف على رجلينا من تانى

تحياتى و كل عام و أنت بخير

HSendbad يقول...

إلى شهر زاد المصرية
سعدت بزيارتك للمدونة واشتراكك فيها
وسعدت أكثر لقراءتك شئ مما سبق لي كتابته
تحياتي لك أختي الغالية
ودمتي في حفظ الرحمن